الليــالــي

ما دري احس ان الليالي منال

فكري يضمه بعد طول المغيب

ما دري احس ان الليالي ظلال

تحجبني عن نور النهار الكئيب

ما دري احس ان الليالي جمال

رغم السواد العاتم المستريب

ما دري احس ان الليالي مجال

للي يحاول يبتسم بعد عيب

في كل ليله انسج انا الخيال

واعيش في وسط الخيوط ومنيب

واعيش فرحه بكل امل لا سؤال

واعيش باقي والامل ما يشيب

القى التفاؤل يبحث وما يطال

والحظ راسي في فعالي يجيب

واشوف نفسي جانحً فوق عال

والصقر حولي والنسر لي رقيب

وحتى الكناري اصدرت صوت فال

تبغى اعيش النشوهْ ومستطيب

وليا هبطت وقلت تغيير حال

القى الزهور مفتحه تستجيب

والنخل يعطيني بدون الممال

والزرع ينبت دون فعله عجيب

فجأه بنور الشمس فك الغلال

انبه تراه الحلم دايم يصيب

اسأله هذا ما نسجته خيال ؟!

اسأله هذا ما نسجته عطيب

وين الامل وين العلا والكمال

وين الزهور الان ( شيئا غريب )

يعني قطعت خيوط تبني جبال

يعني تحول موقفي للكريب

غيرت حسي كل شئ شكال

الليل اصبح كلمته هي تخيب

ما عاد ببني كل يوم محال

ويا ليل ولي وابعد وروح غيب

اصبحت وحداني بدون الليال

ابقى اسائل اسئله ثم اجيب